नेपाल अपाङ्ग महिला संघ (एनडीडब्लुए) ले जुलाई ५, २०२४ मा सांसदहरूलाई सुरक्षित मातृत्व तथा प्रजनन स्वास्थ्य अधिकार ऐनको तिन महले हस्तान्तरण गरेको छ।

अपाङ्गता भएका महिलाहरूको दृष्टिकोणबाट समीक्षा गरिएको सुरक्षित मातृत्व तथा प्रजनन स्वास्थ्य अधिकार ऐनको तिन महले जुन २१, २०२४ शुक्रबारका दिन सिंहदरबारस्थित संसदीय दलको कार्यालयमा राष्ट्रिय प्रजातन्त्र पार्टीका अध्यक्ष राजेन्द्र लिङ्देन लगायतका सांसदहरूलाई हस्तान्तरण गरिएको थियो।

बैठकका क्रममा अध्यक्ष लिङ्देनले विधेयक व्यवस्थापिका संसदमा पेश भएपछि पार्टीले संशोधनको सुझाव पेश गर्ने प्रतिबद्धता जनाउनुभयो।

उहाँले सदन छलफलका क्रममा सांसदहरूबीच सहमति भएमा सुझावहरू विधेयकमा समावेश गर्न सकिने बताउनुभयो। बैठकमा अध्यक्ष लिङ्देन सहित राप्रपाका पाँच जना सांसदहरूको उपस्थिति रहेको थियो।

समीक्षामा अपाङ्गतामैत्री र पहुँचयुक्त सेवाहरू, पहुँचयोग्य अपाङ्गतामैत्री र किशोरीमैत्री सेवाहरू, र सूचनाजस्ता विषयहरू कानुनमा समावेश गर्नुपर्ने उल्लेख गरिएको छ।