नेपाल अपाङ्ग महिला संघले अपाङ्गता भएका महिला अधिकारकर्मी तथा अभियन्ताहरुका लागि लैङ्गिक हिंसा र न्यायमा पहुँच विषयक तालिम मिति २०१६ नोभेम्बर १० देखि १२ सम्म सम्पन्न गरेको थियो । अपाङ्गता भएका महिला अधिकारकर्मी तथा अभियन्ताहरुलाई लैङ्गिक हिंसा र न्यायमा पहुँच, मानवअधिकार तथा महिला अधिकारका सम्बन्धमा सचेत गराउने र अपाङ्गता भएका व्यक्ति तथा महिलाका सवालहरुको उठान तथा वकालत पैरवी गर्नका लागि सक्षम बनाउन अभिप्रायले तालिमको आयोजना गरिएको थियो ।

मानवअधिकार, अपाङ्गता महिला अधिकारका विषयमा अवधारणगत स्पष्टताल्याई न्यायमा पह’ँच अभिबृद्धिका लागि बनेका राष्ट्रिय तथा अन्तर्राष्ट्रिय दस्तावेजहरुका बारेमा अपाङ्गता महिला अभियानकर्ताहरुलाई जानकारी गराई अपाङ्गता महिलाका सवालहरुलाई बलियो रुपमा उठान तथा पैरवी गर्न क्षमताको विकास गर्नु नै तालिमको उद्देश्य थियो ।