अपागंता भित्र पनि महिलाको अवस्था झनै दयनिय वन्दै गएको छ । घरै भित्र विभेद त छदैछ भने समाज र राज्यले गर्ने विभेदकारी व्यवस्था अर्को वाधक वनेको छ । साथै लैंगिक विभेद र पितृसतात्मक सोच र मूल्य मान्यता व्याप्त हुदा अपांगता भएका महिलाहरु घरेलु हिंसा, अपहेलना, विभिन्न खालका लांक्षना र अवसरवाट विमुख वनाइदा झनै सिमान्तकृत वन्न पुगेका छन् ।

अपाङ्गता भएका महिला र बालिकाहरू माथि कोभिड १९ ले कस्तो प्रभाव पारेको छ भनेर बुझ्नकोलागि नेपाल अपाङ्ग महिला सङ्घ ले यो द्रुत अध्ययन गरिरहेको छ । यस अध्ययनको उद्देश्य भनेको कोरोना भाइरस महामारीमा र बन्दबंदीको अवस्थामा अपाङ्गता भएका महिला र बालबालिकाको वस्तुस्थितिको विश्लेषण गर्ने तथा उनीहरूमा महामारी र बन्दबंदीले पारेको प्रभाव विश्लेषण गर्ने रहेको छ ।

नेपाल अपाङ्ग महिला सङ्घले अपाङ्गता समावेशी कोरोना प्रतिकार्यसम्बन्धी सचेतनामूलक पोस्टर तयार गरेको छ। विश्वमा कोरोना महामारी तीव्र गतिमा बढ्दै गइरहेको र नेपालमा पनि यसको प्रभाव कायम नै रहेको अवस्थामा कोरोना प्रतिकार्यलाई थप अपाङ्गता समावेशी बनाउनको लागी यो पोस्टर तयार गरिएको हो।

सामाजिक सुरक्षा ऐन बनाउँदा पाइरहेको सामाजिक सुरक्षा भत्ताबारे संघीय संसदबाट नै त्रुटि या वेवास्ता गरी गम्भीर त्रुटी गर्न गएकोमा हुँदा उक्त ऐन सच्याउन र पाइरहेको सुविधालाई निरन्तरता दिन सरकार, सरोकारवालाज्यूहरुसंग हार्दिक अनुरोध गर्दछौं ।